"Գրին Վեյ Թրեվլ" տուրիստական կազմակերպությունը աևդեն 3 տարի լինելով հայաստանյան տուրիստական շուկայում, հասցրել է իր ուրույն տեղը գրավել: Հիմնադրվելով 2012թ-ին, նպատակ է ունեցել ճանաչելի ու գրավիչ դարձնել Հայաստանը զբոսաշրջիկների համար, օտարերկրացիներին բացահայտել մեր երկրի պատմամշակութային գանձերը: Հավատարիմ անվանը, կազմակերպությունը գծագրել է «Կանաչ ճանապարհ» բոլորի համար: Արտագնա և ներգնա տուրիզմն ունենալով գործունեության թիվ 1 ուղենիշ, "Գրին Վեյ Թրեվլ" տուրիստական կազմակերպությունը ստանձնել է որակյալ հանգստի կազմակերպման բավական պատասխանատու առաքելություն: "Գրին Վեյ Թրեվլ" տուրիստական կազմակերպությունում պատրաստ են համագործակցել բոլոր այն կառույցների հետ, ովքեր կիսում են իրենց աշխատելաոճն ու նպատակները:
Ապրիլի 10-12-ը "Երևան" էքսպո ցուցահանդեսային համալիրում՝ Պրոմ էքսպո ընկերությունը ներկայացավ “ԻնՏուր էքսպո” 2015 միջազգային մասնագիտացված ցուցահանդեսով: Արդեն 2-րդ անգամ "Պրոմ Էքպո" ընկերությունը զբոսաշրջության ոլորտի զարգացումը խթանելու նպատակով հրավիրում է "ԻնՏուր Էքպո" միջազգային ցուցահանդեսը:
Ցուցահանդեսին իր նորարար զբոսաշրջային մոտեցմամբ ''Բուժում Իսրայելում'' շնորհանդեսով՝ ներկայացել էր նաև "Գրին Վեյ Թրեվլ" տուրիստական կազմակերպությունը՝ “Hi Medical” ընկերության հետ համատեղ:
Ներկայացվեցին "Գրին Վեյ Թրեվլ" ընկերության և Hi Medical-ի բացառիկ համագործակցության, Իսրայելում բուժվելու առանձնահատկությունների և առավելությունների, ինչպես նաև մեր երկրում համագործակցության հնարավոր առաջարկների մասին:
Լինելով Հայաստանի Ներգնա Տուրօպերատորների Միության անդամ` "Գրին Վեյ Թրեվլ" տուրիստական կազմակերպությունը ջանքեր չի խնայում Հայաստանում զարգացնելու ներգնա տուրիզմը: Հայաստանն ունի հարուստ հնագույն պատմություն և ժամանակակից գրավչություն միաժամանակ՝ իր սքանչելի բնությամբ, հարուստ մշակութային ժառանգությամբ, ավանդական հայկական ուտեստների բազմազանությամբ և, անշուշտ, հայկական անմիջական հյուրասիրությամբ, որ հնարավոր չէ գտնել աշխարհի և ոչ մի անկյունում: "Գրին Վեյ Թրեվլ" տուրիստական կազմակերպությունը տուրիզմի միջոցով փորձում է ճանաչելի դարձնել Հայաստան աշխարհն իր հարուստ պատմամշակութային կոթողներով, հինավուրց եկեղեցիներով և հայկական հրաշալի ճարտարապետութ յան փառահեղ նմուշներով:
"Գրին Վեյ Թրեվլ" - ձեր անմոռանալի հանգիստը մեր առաքելությունն է:
ՀՀ,ք. Երևան,Նալբանդյան 5, 3-րդ հարկ, 34 և 35 սենյակներ:
«Ախթամար Տուր» տուրիստական ընկերություն: Ընկերություն, որ Հայաստանում գործող բազմաթիվ տուրիստական ընկերություններից առանձնանում է ընդգծված հայանպաստ ու հայապահպան առաքելությամբ: Այստեղ համոզված են, որ յուրաքանչյուր հայ պարտավոր է լինել հայոց պատմական հայրենիքում, մեր նախնյաց հողում, ճանաչել Հայոց բնօրրանն իր ողջ հմայքով՝ չքնաղ բնաշխարհից մինչև պատմական ու տեսարժան վայրեր՝ Նեմրութ ու Կարս, Անի ու Բայազետ, Վան ու Մուշ, Դիարբեքիր ու Էրզրում. թվարկել կարելի է երկար:
Հայկական զբոսաշրջության զարգացման ոլորտում առանձնակի դիմագիծ ունեցող «Ախթամար Տուր» ընկերությունը դեպի Արևմտահայաստան Ձեր հանգստի լավագույն ուղեկիցն է:
Ապրիլի 10-12-ը «Երևան էքսպո» ցուցահանդեսային համալիրում, “ԻնՏուր էքսպո” 2015 միջազգային մասնագիտացված 2-րդ ցուցահանդեսի մասնակիցներից էր նաև “Ախթամար տուր“ տուրիստական ընկերությունը` առաջարկելով լավագույնը հանգստի ոլորտում` դեպի Արևմտահայաստան տուրերի բազմազան փաթեթներ՝ մատչելի գնով:
Հայաստանից, Արցախից, Վրաստանից, Իսրայելից, Եգիպտոսից, Իրանից, Իսպանիայից ներկայացված էին տասնյակ մասնակիցներ` ոլորտի տեղական ու արտասահմանյան առաջատարները: Ցուցահանդեսը դարձավ գործուն հարթակ, որի շնորհիվ մասնակիցները կարողացան հաստատել գործնական կապեր և քննարկել համագործակցության հեռանկարներ: Կարևորելով մեր երկրում զբոսաշրջության զարգացումը, «Ախթամար Տուր» տուրիստական ընկերությունը փորձում է գրավիչ դարձնել դեպի պատմական Հայաստան ուղևորությունը՝ զբոսաշրջիկներին ծանոթացնելով մեր հին ու առասպելական հայրենիքի հետ:
«Ախթամար Տուր»-ում Ձեզ կդիմավորեն և կուղեկցեն սիրով:
«Ախթամար Տուր» տուրիստական ընկերությունը հոգում է Ձեր հարմարավետության մասին: Ընդ որում՝ ուղևորության ծրագրում ներառվածքաղաքների հերթականությունն ու ժամկետները փոփոխման ենթակա են՝ ելնելով տվյալ տուրից: Տեսարժան վայրերից և ոչ մեկը դուրս չի մնա ձեր տեսահորիզոնից:
«Ախթամար Տուր» Տուրիստական ընկերությանakhtamartour.am պաշտոնական կայքում կարող եք տեղեկանալ ձեր ընտրած ուղևորության երթուղու և ժամանակացույցի, հյուրանոցի, անգամ ձեր նախընտրած քաղաքի ջերմաստիճանի և վիզաների հետ կապված ծախսերի մասին:
«Ախթամար Տուր» տուրիստական ընկերություն՝ անմոռանալի տպավորություններ` պատմականհայրենիքից:
ՀՀ,Երևան, Ամիրյան 3
Հեռ.`(+37410) 60 65 40, (+37496)40 65 40
www.akhtamartour.am
Մալայանի անվան ակնաբուժական կենտրոնը հանդիսանում է Հայաստանի ամենամեծ բազմապրոֆիլ ակնաբուժական հաստատությունը` հագեցած ժամանակակից սարքավորումներով, որոնցով իրականացվ է ախտորոշիչ, բուժիչ և գիտահետազոտական գործունեություն` համապատասխան միջազգային ստանդարտներին: Այս ամենը հնարավորություն է տալիս կատարել աշխարհում առկա, գրեթե, բոլոր տեսակի վիրահատական միջամտությունները: Կենտրոնում աշխատում են բարձրակարգ մասնագետներ, որոնց մեծ մասը որակավորվել է արտասահմանում, մասնավորապես` ԱՄՆ-ում:
Հենց նրանց շնորհիվ իրականություն են դառնում անգամ անսպասելի հրաշքները` մարդկանց է վերադարձվում ամենաթանկը`աչքի լույսը:
Մալայանի անվան ակնաբուժական կենտրոնում իրականացվում են ժամանակակից և գերճշգրիտ ախտորոշիչ հետազոտություններ: Կենտրոնն առաջարկում է նաև վիրաբուժական, լազերային և դեղորայքային բուժում տարբեր ախտահարումների դեպքում:
Մալայանի անվան ակնաբուժական կենտրոն` տեսողության վերականգնում լավագույն մասնագետների միջոցով, միայն նորագույն սարքավորումներով:
«Առողջապահություն և դեղագործություն Էքսպո 2015» ցուցահադեսին Մալայանի անվան ակնաբուժական կենտրոնը ներկայացել էր վերջին նվաճումներն ու ակնաբուժության ոլորտում արձանագրած կարևոր ու սպասված հաջողությունները:
Կենտրոնի բժիշկները հետևում են ակնաբուժության վերջին նվաճումներին` անընդհատ գործի դնելով բուժման նոր ու արդի մեթոդներ և օգնելով մեծաթիվ հիվանդների ձեռք բերել գերազանց տեսողություն:
Պահպանեք լավ տեսողությունը`ականբուժական ոլորտի առաջատար մասնագետների օգնությամբ:
Ակնաբուժական կենտրոնում չեն բավարարվում ձեռք բերված հաջողություններով, շարունակում են առաջ շարժվել` ներդնելով կարճատեսության, հեռատեսության և աստիգմատիզմի բուժման ամենաառաջադեմ եղանակները: Այս կենտրոնում արդեն 8 տարի զբաղվում են տեսողության լազերային շտկմամբ:
2005թ-ից ի վեր Մալայանի անվան ականբուժական կենտրոնում կատարվել են շուրջ 5000 լազերային վիրահատություններ:
Ի դեպ, Մալայանի անվան ակնաբուժական կենտրոնը ընդառաջ գնալով այցելուներին, ավելի դյուրին է դարձնում բուժման գործընթացը` առաջարկելով կենտրոնի ծառայությունները նաև ապառիկով` 0 % տոկոսադրույքով:
Մալայանի անվան ակնաբուժական կենտրոն` տեսողության վերականգնում լավագույն մասնագետների միջոցով, միայն նորագույն սարքավորումներով:
Պահպանեք լավ տեսողությունը` ականբուժական ոլորտի առաջատար մասնագետների օգնությամբ:
Մալայանի անվան ակնաբուժական կենտրոն-երաշխավորված արդյունք, վստահություն և կանխատեսելիություն:
<Ս.Վ. Մալայանի անվան ակնաբուժական կենտրոն> ՓԲԸ
Ք. Երևան,Ֆուչիկի 30
Հեռ.` (+37410)39-34-25 , 39-69-57
www.eyecenter.am
MDF գրուփսը 18 տարվա պատմություն ունի: Զբաղվում է բժշկական նյութերի և բուժսարքավորումների արտադրությամբ և վաճառքով: Շուրջ 3 տարի է հանդիսանում է չինական Մեդ-Ապոլո, իտալական Պագանի, հարավկորեական Դայեանգ հայտնի բրենդների բացառիկ արտադրող ներկայացուցիչը Իրանում: Հիմնելով գործարան՝ ձեռք են բերել մասնաճյուղի կարգավիճակ և իրականացնում են արտադրություն՝ չզիջելով թե որակապես, թե գնային առումով:
MDF գրուփսը մասնագիտացած է դերմատոկոսմետոլոգիայի՝ մաշկի խնամքի և կոսմետիկ միջամտության, ֆիզոիոթերապևտիկ, էսթետիկ բժշկության ոլորտում լայնորեն կիրառվող բուժսարքավորումների արտադրության մեջ:
Ընկերությունը մեծապես հայտնի է նաև իր մեզոթերապևտիկ` դեմքի խնամքի և երիտասարդացման համար նախատեսված բուժսարքավորումների արտադրության շարքով, որ բռնել է որակական փորձություն հատկապես էսթետիկ բժշկության լավագույն կլինիկաներում: Տարիներ շարունակ գործունեություն ծավալելով մերձավորարևելյան երկրներում՝ Դուբայում, Իրաքում, Արաբական Միացյալ էմիրություններում, Քուվեյթում, ինչպես նաև Պակիստանում, Նիգերիայում, Գանայում, MDF գրուփսը որդեգրել է մշտապես դեպի առաջընթաց և զարգացում նշանաբանն ու դարձել ոլորտի առաջատարներից ողջ աշխարհում: Լավագույն ցուցանիշը՝ բուժաշխատողների գոհունակությունն ու հաճախորդների գովասանքի խոսքերը են:
Երևանում անցկացված “Առողջապահություն և դեղագործություն EXPO 2015” 14-րդ միջազգային մասնագիտացված ցուցահանդեսի օտարերկրյա հյուր-մասնակիցներից էր նաև MDF գրուփսը՝ հայ սպառողներին ներկայանալու և նոր համագործակցության հեռանկարների ակնկալիքով:
MDF գրուփսի տեսականու մեջ առանձնանում է ինչպես նաև սպորտային բժշկության մեջ մեծապես կիրառվող կպչուն ժապավենները, որոնք դրվելով վնասված հատվածին, ունենում են արագ ցավազրկող ազդեցություն, այնպես էլ էսթետիկ բժշկության ասպարեզում լայն կիրառություն ստացած թելերի արտադրությունն ու վաճառքը, որ մեծապես նպաստում է դեմքի երիտասարդացմանն ու կնճիռների հարթեցմանը :
Ոլորտում տարիների փորձառություն մասնագիտական մոտեցում ու խստապահանջ վերաբերմունք մշտական ուսուցում-վերապատրաստումներ մինչև 10 տարվա երաշխիք և ետերաշխիքային սպասարկում՝ և իհարկե՝ որակ, որ կասկածից դուրս է:
Ահա այն չափանիշները, որոնց համար արժե դառնալ MDF գրուփս –ի գործընկերը:
MDF գրուփս՝ միշտ ձեր կողքին:
Աշխարհում վաղուց հայտնի MARQUIS բրենդի ապրանքատեսականին Հայաստանում է արդեն 5 տարի: Բարձրորակ և դիմացկուն պոմպեր, ջրի ծորակներ, գեներատորներ, կենցաղում կիրառվող պարագաների մեծ ընտրանի, որոնք երկարատև փորձարկումներ են անցել՝ ապացուցելով իրենց հուսալիությունը:
Գործունեության հիմնական ուղղություններն են պոմպերի 4 հիմնական տեսակների՝ կենտրոնախույս, խորքային և սուզապոմպերի արտադրությունն ու վաճառքը: Ընկերությունը մասնագիտացած է պոմպերի 100-ից ավելի մոդելների արտադրության ոլորտում:
Տնտեսության և, հատկապես, գյուղատնտեսության ոլորտի զարգացումները պահանջում են շարունակական տեխնիկական նորարարություններ: MARQUIS բրենդը փորձում է համահունչ լինել շուկային ու սպառողների պահանջներին: MARQUIS-ը օգնության է հասնում պոմպերի և գեներատորների նոր տեսակներով. այն կհետաքրքրի հատկապես գյուղատնտեսներին: Վերջիններս աչքի են ընկնում թե՛ նոր տեխնիկական լուծումներով, թե՛ խնայող համակարգերով:
Ընկերության տեսականին, որում ծորակները նորություն են, ներկայացված է շինանյութի բոլոր խանութներում: MARQUIS-ը “ Շինարարություն և վերանորոգում. Էքսպո 2015” ցուցահանդեսի մասնակիցների թվում էր՝ մարդաշատ տաղավարով:
MARQUIS-ի հավաքածուի մեջ ուշագրավ են հատկապես ջրի ծորակները, որոնք, բացի նորույթ լինելը, նաև պատրաստված են բավական դիմացկուն մետաղից, որի բաղադրության շնորհիվ էլ աչքի են ընկնում երկարակյաց են կիրառման մեջ:
MARQUIS ծորակներն առանձնանում են նաև ժամանակակից լուծումներով: MARQUIS բրենդային հավաքածուն առաջարկում է նաև սանհանգույցի կահավորմանն անհրաժեշտ պարագաներ, որոնց շնորհիվ Ձեր լոգասենյակն ու սանհանգույցը կունենան նորաոճ տեսք և կդառնան Ձեր բնակարանի ամենահաճելի վայրը:
MARQUIS բրենդը մեր երկրում 5 տարիների ընթացքում հասցրել է ճանաչելի դառնալ հայ սպառողների շրջանում՝ մշտապես նորացվող տեսականու, որակի և գնի մատչելի համադրության, սպառողի հանդեպ ազնիվ մոտեցման շնորհիվ: Գնելով մեկ անգամ՝ խնայում եք շատ ավելի երկար:
MARQUIS՝ որակը սկսվում է այստեղից:
Հեռ. 093 24 21 24
Արդեն 4 տարի է հայաստանյան ֆինանսական շուկայում գործում է «Կրեդիտ Պարտնյոր» ընկերությունը, որ առաջարկում է խորհրդատվական ծառայությունների լայն շրջանակ՝ գործարար, իրավական եւ ֆինանսական խորհրդատվություն և աջակցություն:
Ընկերությունը ոլորտի ծառայությունների խայտաբղետության մեջ առանձնանում է հաճախորդի հանդեպ անհատական մոտեցմամբ՝ առաջարկելով համակողմանի լուծումներ: Շնորհիվ բանկային գործիքների վերաբերյալ աշխատակիցների մասնագիտական ճկուն ունակությունների՝ «Կրեդիտ Պարտնյոր» ընկերությունը ձևավորել է մշտական ու հավատարիմ գործընկերների շրջանակ, որ գնալով մեծանում է և որոնց հետ համագործակցությունը շարունակվում է, ինչը լավագույնս հավաստում է, որ ընկերությունը գնալով ավելի ու ավելի ճանաչելի է դառնում ֆինանսաբանկային համակարգում՝ ճիշտ կառավարման ու շուկայում ճիշտ ներկայացվածության շնորհիվ:
«Կրեդիտ Պարտնյոր» ընկերությունն հաճախորդներին է առաջարկում բանկային վարկի ներգրավման աջակցություն, որ ներառում է`
• առաջարկվող վարկերի պայմանների համեմատական վերլուծություն.
• հաճախորդի համար առավել արդյունավետ տարբերակի ընտրություն.
• բանակցությունների վարում՝ նախընտրած ֆինանսական կառույցի համապատասխան ստորաբաժանումների և մասնագետների հետ.
• վարկային փաթեթի ամբողջական կազմում՝ ներառյալ ֆինանսական վերլուծություն կամ բիզնես -ծրագրի կազմում՝ տվյալ ֆինանսական կառույցի պահանջներին համապատասխան և գործարքի ուղեկցում մինչև ֆինանսական միջոցների տրամադրումը.
• աջակցություն ցանկացած տեսակի հիմնական միջոցների ձեռքբերմանը՝ լիզինգի՝ վարձակալության ձևակերպման միջոցով:
Համագործակցելով «Կրեդիտ Պարտնյոր» ընկերության հետ՝ դուք կխնայենք ամենաթանկը՝ Ձեր և Ձեր գործընկերների ժամանակը, կխուսափեք ֆինանսական միջոցները անհարկի վատնելուց, զերծ կմնաք ավելորդ քաշքշուկներից, և, որ ոչ պակաս կարևոր է, կարող եք համոզված լինել, որ անհամեմատ մեծ կլինի ֆինանսական միջոցների տրամադրման հավանականությունը: Այս ամենից բացի, Դուք մշտապես տեղեկացված կլինեք ֆինանսական շուկայում տեղի ունեցող նորություններին և փոփոխություններին:
Օգտվելով ընկերության մատուցած ծառայություններից՝ Դուք կունենաք այլընտրանքի մեծ հնարավորություն և սահմանափակված չեք լինի որևէ ֆինանսական կառույցի կողմից ներկայացվող պայմաններով, ինչը հնարավորություն կտա Ձեզ կատարելու լավագույն ընտրություն:
.png)
.png)
